Xornadas de traballo colectivo convocadas xunto a Proxecto Zero para, por unha parte, avanzar na representación do barrio das Atochas (A Coruña) a través das ferramentas gráficas e conceptuais que empregamos para proxectar a "arquitectura de calidade"; e por outra, buscar as relacións entre a súa estrutura urbana (escala, densidade, morfoloxía, espazos públicos, soares, posición na cidade, etc.) e un hipotético manifesto de calidades urbanísticas definidas por nocións como o seu grao de activismo social, a súa consideración como "tapón urbanístico" por parte dos poderes públicos, a forte percepción de identidade que manexan os seus habitantes ou as derivas especuladoras que o definen na actualidade.

A segunda das xornadas desenvolveuse como parte de Circo - Festival de Arquitectura '09, a primeira edición da FETSAC.