Acción participativa desenvolvida por Francesca Tiri, estudante de arquitectura do Politecnico di Torino, na que colaboramos xunto á A.V. de Ferrol Vello nos traballos de produción e coordinación, unha oportunidade para experimentar outros modos de entender a aproximación a un lugar, activalo a través dunha actividade pública e reflexionar colectivamente sobre os porqués do seu abandono e as súas posibilidades de futuro.

As fases do traballo nas que colaboramos foron a mobilización e difusión previas, a limpeza do soar e a acción propiamente dita, composta á súa vez de tres actividades para construír o diálogo coa veciñanza (o "mapa dos desexos", o "panel dos recordos" e o "mapa de Gulliver") e unha comida colectiva como peche.