Veciñanzas afectadas pola presión urbanística do PXOM da Coruña de 2013

Última actualización (Versión): 15/11/2017 (V.01)

A identificación das veciñanzas da Coruña que poden estar afectadas pola presión urbanística derivada dos plans de transformación e expansión urbana realízase a partir da cartografía dos barrios e lugares afectados:

P.11.- Barrios e lugares afectados polos plans de transformación urbanística formulados no PXOM da Coruña de 2013 Imaxe: Elaboración propia (a partir das fontes de información citadas no apartado "Ámbitos de transformación urbanística e veciñanzas afectadas") Descarga: Plano A1 / PDF / 25,6 MB

Na seguinte cartografía pódense observar os diferentes ámbitos de transformación identificados segundo o seu número de vivendas habitadas ou habitables nunha situación contraditoria co PXOM (o que significa que as súas veciñanzas xa estarían sufrindo, ou poderíano facer en calquera momento, algún tipo de materialización da presión urbanística):

P.12.- Ámbitos afectados polos plans de transformación urbanística formulados no PXOM da Coruña de 2013 Imaxe: Elaboración propia (a partir das fontes de información citadas no apartado "Ámbitos de transformación urbanística e veciñanzas afectadas") Descarga: Plano A1 / PDF / 25,9 MB

Na seguinte táboa pódese consultar máis polo miúdo a relación entre os barrios e lugares afectados, as figuras urbanísticas que operan sobre eles, o número de vivendas que se propón eliminar en cada un, e a situación dos 97 ámbitos de transformación diferenciados (pertencentes a un só barrio ou lugar e afectados por unha soa figura urbanística) a partir dos cales se estrutura este proxecto.

As veciñanzas destas case 1.200 vivendas ou 70 barrios e lugares son as que compoñen, en conxunto, a comunidade de posibles afectados pola presión urbanística derivada dos plans de transformación e expansión urbana formulados no PXOM da Coruña de 2013. Na medida do posible, o proxecto intentará que todas estas veciñanzas coñezan e poidan incorporarse se así o desexan á comunidade de aprendizaxe e práctica.

 

Barrios e lugares1 afectados	Figuras urbanísticas2	Nº de vivendas3 afectadas	Situación dos ámbitos afectados
A Artística	PE I29 - Refinería Sur	8	Arredor da estrada de Nostián e da rúa Monte da Rabadeira e ata a travesía de Meicende
A Cabana	POL O34 - Lugar Someso I	6	Entre a avenida da Universidade e a estrada DP-3004 ou Lugar Cabana
A Canteira de Eirís	POL Q32 - Calle Fray Pedro Rayo Piñeiro	5	Entre a avenida de Monelos e as rúas A Calexa e Eirís de Arriba
	QL-1 - Equipamiento en Avda. Monelos	3	Entre a avenida de Monelos e a nova glorieta na esquina do futuro "Parque Ofimático"
A Falperra / Gurugú	POL P25 - Calle Fuente Seca del Monte	3	Rúa Fonte Seca do Monte
A Felga (Elviña)	PE P37 - Ampliación Campus de Elviña y de A Zapateira	3	Camiño da Felga (San Vicenzo de Elviña)
A Fontenova	PEMD L26 - A Silva 1	2	Avenida de Finisterre, a carón do restaurante "Fontenova"
	POL L27 - Lugar Mouras Rejas I	6	Avenida de Finisterre, a carón do restaurante "O recodo da Grela"
A Gouxa (Visma)	SUD 1 - O Portiño	1	Camiño da Gouxa (San Pedro de Visma)
A Gramela	SURT 1 - San Pedro de Visma	6	Camiño de Visma á Gramela
A Moura	POL L28 - Lugar Mouras Rejas II	10	A carón da avenida de Finisterre
	SUD 2 - Penamoa	8	Núcleo da Moura
A Pasaxe	API S35 - Ría del Burgo	29	A carón da avenida da Pasaxe e da estrada Pasaxe ao Burgo
A Pedra da Barca	POL L20 - Los Fuertes	8	Antiga estrada dos Fortes, a carón de "Maderas Peteiro"
	SUD 1 - O Portiño	3	Nova estrada dos Fortes, a carón da glorieta coa rúa San Pedro de Visma e a estrada do Portiño
A Pereiroa (Elviña)	SURT 2 - Parque Ofimático	4	A carón da avenida de Lavedra (San Vicenzo de Elviña)
A Silva de Abaixo	PEMD M26 - A Silva 2	18	Avenida de Finisterre, ao oeste do Centro Cívico A Silva
	POL M26 - Lugar A Silva	3	Avenida de Finisterre, arredor de "Finisterre Motor" e a carón do Ventorrillo
A Silva de Arriba	POL M26 - Lugar A Silva	13	Zona noroeste do núcleo, a carón do Ventorrillo
	SUD 2 - Penamoa	1	Zona norte do núcleo, a carón de Penamoa
Agra de San Amaro	API Q16.2 - San Amaro - Orillamar	1	Rúa San Amaro, a carón do paseo marítimo
Agra de San Cristovo	POL N31.1 - Agra de San Cristóbal	3	Entre as avenidas de Enrique Salgado Torres e do Ferrocarril
Agra do Orzán	POL M22 - Parque del Agra	1	A carón do Observatorio
Agra dos Mallos	POL O29 - A Sardiñeira	8	Arredor do Centro Cívico Os Mallos
Agramonte (Castrillón)	API Q28 - Parque de Oza	9	Lugar Agramonte e arredor da avenida Casanova de Eirís
As Atochas	API Q18 - Calle Pintor Román Navarro	13	Entre as rúas Atocha Alta, Mondoñedo e Pintor Román Navarro
	VL-3 - Travesía de San José	4	Travesía de San Xosé
As Xubias de Abaixo	API S35 - Ría del Burgo	6	Lugar As Xubias de Abaixo
As Xubias de Arriba	API S35 - Ría del Burgo	19	Lugar As Xubias de Arriba
Cadaveiras (Someso)	SUD 3 - O Martinete	7	Entre a rúa Lamelas e a avenida García Sabell
Casabranca	EL-5 - Lugar Casablanca	5	Lugar Casablanca, a carón das vías de ferrocarril
Castrillón	EL-4 - Castrillón	1	Entre as rúas Miramar Castrillón e Fariña Ferreño
	POL R28.1 - Antonio Ríos II	9	Entre a rúa e a travesía Cerca
	POL R29 - Miramar Castrillón	6	Entre a avenida da Concordia e a rúa Miramar Castrillón
Castro (Elviña)	EL-7/QG - Espacio libre y equipamientos en el campus de Elviña	1	Camiño de Mons
	PEMD P38 - O Castro de Elviña	1	Entre as rúas da Fraga e Pena do Cuco
Catro Ventos (Visma)	SUD 1 - O Portiño	3	Rúa Catro Ventos
Curramontes	POL S32.3 - Lugar de Curramontes - Canalejo II	2	A carón do Hospital Universitario da Coruña
Eirís de Abaixo	SUD 4 - Monte Mero	1	Lugar Eirís de Abaixo
Eirís de Arriba	API R33 - Eirís de Arriba II	9	Entre a avenida de Monelos e as rúas A Calexa e Eirís de Arriba
Fontaíña (Palavea)	SUD 6 - Monte Alfeirán	17	Lugar Fontaíña, a carón do edificio da "Mutua Gallega"
Grupo de vivendas Juan Canalejo	VG-5 - Ronda de Nelle - Avda. Arteixo	6	Ronda de Nelle (entre os dous sentidos da calzada)
Lagar de Castro (Elviña)	API O37 - Residencia Universitaria	1	Camiño do Lagar de Castro
Leira do Campo (Monte das Moas)	API R29 - Bergondo - C. Eirís - Oleoducto	5	Entre as rúas Leira do Campo e José María Hernansáez
Loureiro (Visma)	EL-2 - Loureiro	3	Rúa Loureiro
	POL L21 - Lugar de Loureiro	3	Entre as rúas Muiño de Visma e San Pedro de Visma
Marzán	PE N31 - Lugar de Marzán	4	Avenida do Ferrocarril
	PE O29 - San Cristóbal (Zona 1)	8	Rúa Blanco White
Meicende	PE I29 - Refinería Sur	≈ 61	Rúa Caracas
	PE J31 - Fábrica de aluminios	≈ 334	Rúas Devesos e Ferrol
Mesoiro	PEMD M38 - Lugar Mesoiro II	1	Rúa O Geán, fronte a "Maderas Becerra"
Monte de San Pedro	SUD 1 - O Portiño	3	A carón da estrada dos Fortes ao Monte de San Pedro
Monte Mero	SUD 4 - Monte Mero	12	Lugar Monte Mero
O Birloque	POL N34.1 - Lugar de O Birloque III	3	Rúa Alberto Garaizábal Macazaga, a carón do río Mesoiro
O Campanario	SGA SUD 2 - Monte de San Pedro	1	Zona norte do poboado do Campanario, cara o Monte de San Pedro
	SUD 1 - O Portiño	≈ 77	Poboado do Campanario (O Portiño)
O Coidal (Visma)	SURT 1 - San Pedro de Visma	2	Rúa O Coidal
O Corgo (Castrillón)	API Q28 - Parque de Oza	14	Rúa Montes
O Curro (Palavea)	SUD 6 - Monte Alfeirán	3	Zona sureste, a carón da Autoestrada do Atlántico (AP-9)
O Foxo / Agra do Foxo	SUD 4 - Monte Mero	13	Lugar Agra do Foxo
	VG-9 - Remodelación nudo Alfonso Molina	1	Illa entre a entrada e a saída da Autoestrada do Atlántico (AP-9)
O Martinete	POL N33.1 - Lugar de O Birloque I	1	A carón do complexo industrial e terciario "Droga Conde"
	POL N33.2 - Lugar de O Birloque II	7	Estrada DP-0512, fronte ao edificio "Residencial El Birloque", e a carón do complexo industrial e terciario "Droga Conde"
	SGA SUD 3 a - O Martinete I	1	Estrada DP-0512, a carón do río Mesoiro
	SUD 3 - O Martinete	4	Zona sureste do núcleo, a carón da estrada DP-3004
	VG-1 - Carretera 3ª Ronda - Polígono Vío	4	Entre As Rañas e Pocomaco, a carón da estrada AC-14
O Petón	PE J31 - Fábrica de aluminios	≈ 142	Arredor da praza do Petón e ata a travesía de Meicende
O Polvorín	POL P16 - Calle Colón 1	3	Entre a rúa e a travesía Colón
O Portiño	SGA SUD 1 b - O Portiño	10	Ao norte e ao leste do peirao, cara os Campos de Galera
	SGA SUD 2 - Monte de San Pedro	8	Campos da Galera, ao sur da "Asociación Reto a la Esperanza"
Orra	PE N31 - Lugar de Marzán	8	Rúa Blanco White, a carón da avenida de Enrique Salgado Torres
Os Castros	POL Q28.2 - Calle Montes	9	Entre a ronda de Outeiro e as rúas Montes e Montiño
	POL R28.2 - Avenida General Sanjurjo	5	Rúa Laureano Mediante
	POL R28.3 - Calle de la Merced	7	Entre as rúas Merced e Vaamonde Lores, fronte ao café-bar "Los Alpes"
Os Pichoutos (San Cristovo das Viñas)	SGA SUD 4 - San Cristóbal	2	Entre o complexo industrial e terciario "Droga Conde" e a estrada AC-14
Pedralonga	POL R36 - Lázaro Cárdenas	2	Lugar Pedralonga, a carón de Monte Mero
	SUD 4 - Monte Mero	6	Avenida de Pedralonga e Lugar Pedralonga, cara A Pasaxe
Pedro Fernández	API S37 - Avda. de A Pasaxe	1	Entre a rúa Pedro Fernández e as avenidas de Pedralonga e Lavedra
	SUD 4 - Monte Mero	3	Rúa Pedro Fernández (zona norte, a carón de Pedralonga)
Pedroso	EL-3 - Calle Iberia	5	Interior da mazá definida pola avenida dos Mallos e as rúas Pedroso, Europa, Filipinas e Puerto Rico
Penamoa	SUD 2 - Penamoa	28	Lugar Penamoa
Peruleiro	POL M22 - Parque del Agra	20	Camiño do Pinar
Poboado da Pasaxe	API S35 - Ría del Burgo	≈ 20	Recheo a carón da Ponte Pasaxe
Poboado das Rañas	VG-1 - Carretera 3ª Ronda - Polígono Vío	≈ 28	A carón da vía de ferrocarril e da estrada AC-14
Porto de San Pedro de Visma (O Portiño)	SGA SUD 1 b - O Portiño	≈ 16	A carón do peirao, na zona suroeste
Pradeira (Comeanda)	SUD 2 - Penamoa	4	A carón da estrada de Visma a Mazaído e da Fundación Hogar Santa Lucía
Ramallos (Mesoiro)	SUD 3 - O Martinete	7	A carón das vías de ferrocarril e da avenida García Sabell
Río de Quintas	PEMD S39 - Lugar Río de Quintas	1	Rúa Río de Quintas, a carón da estrada N-550
	POL S38.2 - Río Quintas / Sta. Gema 2	1	Rúa Río de Quintas, a carón da estrada Pasaxe ao Burgo
San Cristovo das Viñas	POL N33.1 - Lugar de O Birloque I	1	Lugar San Cristovo das Viñas, a carón do complexo industrial e terciario "Droga Conde"
San Vicenzo de Elviña	PE P37 - Ampliación Campus de Elviña y de A Zapateira	1	Rúa Antonio Insua Rivas, fronte ao encontro coa rúa Rebandas
	SURT 2 - Parque Ofimático	1	Rúa Antonio Insua Rivas, a carón da avenida de Lavedra
San Xosé	VG-6 - Avenida de Finisterre 2	5	Lugar San Xosé, estrada AC-415
Santa María de Oza	QL-2 - Equipamiento en Calle Montes	3	Rúa Montes, a carón do I.E.S. Monelos
Someso	SGA SUD 3 a - O Martinete I	2	Lugar Someso, fronte á Escola Galega de Imaxe e Son
Vidueiros / Altamira	SUD 7 - A Zapateira I	1	Avenida de Nova York (dirección norte), a carón da Urbanización Valaire
	SUD 10 - A Zapateira III	1	Avenida de Nova York (dirección sur), a carón da Urbanización Valaire
Nº total de barrios e lugares afectados	Nº de figuras urbanísticas diferentes que implican a eliminación de vivendas	Nº total de vivendas afectadas	Nº total de ámbitos diferentes afectados
70	67	≈ 1.189	97
T.9.- Barrios, ámbitos e vivendas afectadas polos plans de transformación urbanística formulados no PXOM da Coruña de 2013 Táboa: Elaboración propia.
1 Os topónimos empregados proveñen maioritariamente do Mapa dos barrios da Coruña (Concello da Coruña, 2016), con algunhas correccións e topónimos engadidos tras o traballo de campo realizado. 2 A nomenclatura das figuras urbanísticas provén do Plan Xeral de Ordenación Municipal da Coruña (Concello da Coruña, 2013), tomándose a decisión de respectar o idioma e a denominación orixinal das figuras (aínda que inclúe varios erros e topónimos castelanizados). 3 O número de vivendas afectadas refírese ás vivendas habitadas ou habitables que o PXOM da Coruña de 2013 contempla eliminar. A partir da identificación de todas as edificacións afectadas por unha figura urbanística na que se formula a súa eliminación, contabilizáronse as vivendas totais mediante unha mestura de traballo de campo, análise a través de Google Street View e consulta da documentación catastral dispoñible na Sede Electrónica del Catastro. Esta metodoloxía permite supoñer unha gran precisión dos resultados no caso das vivendas unifamiliares, algo menor para as edificacións de vivenda colectiva, e moito máis aproximativa nos lugares que non contan con información catastral.

A participación das veciñanzas afectadas será continua en todas as actividades públicas programadas no proxecto (os tres roteiros e as dúas xornadas de encontro), e incluso anterior, xa que desde a fase de traballo de campo comezarán os contactos cunha boa parte delas.



Nota pos-roteiros:

Nos tres roteiros desenvolvidos e no traballo de campo previo visitáronse 30 dos 70 barrios e lugares afectados (o 43%), ou 49 dos 97 ámbitos de transformación definidos (o 51%). Quedan, polo tanto, aproximadamente a metade dos lugares afectados sen contactar directamente nesta fase do proceso, xa que só poderán ser informados a través das redes sociais, os medios de comunicación e a cartelaría que anuncie os encontros, que se colocará nos días previos a cada un deles nos propios barrios identificados.