Proxecto de investigación sobre as calidades urbanas e os usos cidadáns do espazo lineal xerado polo oleoduto que conecta desde 1964 o peirao petroleiro coa refinería da Coruña. Aínda que xa desde 2009 vimos estudando parcialmente o caso do oleoduto da Coruña como parte doutros proxectos sobre os usos informais na cidade contemporánea, en 2021 puidemos desenvolver dous traballos xa específicos grazas á invitación de Damián Ucieda para colaborar no proxecto Camiño Negro cun roteiro e un artigo.