Estudo urbano, actividades participativas e microintervención no barrio de Matogrande desenvolvidos como parte de A cidade dos barrios, unha plataforma de reflexión sobre a cidade da Coruña e o seu urbanismo desde a escala dos barrios promovida pola Delegación da Coruña do Colexio Oficial de Arquitectos de Galicia e coordinada polo Estudio MMASA.

Ademais da organización de actos públicos e un estudo de escala municipal, A cidade dos barrios promoveu unha serie de actividades en oito barrios da cidade (desenvolvidas por Desescribir -hoxe Hábitat Social-, Ergosfera, Grupo Dodó e Pescadería 20) co obxectivo de experimentar con outras maneiras de entrar en contacto cos territorios e as súas veciñanzas, dando lugar a accións de visibilización dos seus problemas e potencialidades inaccesibles desde as metodoloxías de análise urbanística convencionais.